20 მარტს „მაგთი კლუბში” გაიმართება ლეგენდარული ავტორ-შემსრულებლის, ეთერ ჭელიძის საიუბილეო საღამო, რომელიც ეძღვნება ამ უნიჭიერესი ქალბატონის 75 წლის იუბილეს. კონცერტში მონაწილეობას მიიღებენ ქართული ესტრადის ის კაშკაშა ვარსკვლავები, რომელთა რეპერტუარშიც ეთერ ჭელიძის სიმღერები შედის. ქალბატონი ეთერის ყველაზე მეტი სიმღერა კი მისი შვილიშვილის, ცნობილი მომღერლის – ანი სირაძის რეპერტუარშია, რომელიც განსაკუთრებული სითბოთი და სიყვარულით ასრულებს ბებიის მიერ დატოვებულ საოცრად მელოდიურ სიმღერებს. საღამოზე იმღერებენ: ლიზა ბაგრატიონი, ნატო მეტონიძე, ნუკრი კაპანაძე, ნეკა სებისკვერაძე, მერაბ სეფაშვილი, ვერიკო ტურაშვილი და სხვები. კონცერტი ცოცხალი ბენდისა და როიალის თანხლებით ჩაივლის. „მაგთი კლუბში” ყველა იმ ადამიანს შეუძლია, მივიდეს, ვისაც ქართული ესტრადის რენესანსის ეპოქა ენატრება.