მარიამ რომელაშვილი და მისი მეუღლე გიორგი ოზერი ერთი თვის წინ პატარა ვაჟკაცის მშობლები გახდნენ. წყვილმა დაახლოებით ერთი წლის წინ გადაწყვიტა ერთად ცხოვრება, რომელიც გაზაფხულზე ჯვრისწერით დაგვირგვინდა. მათი პატარა ვაჟკაცი კი ქვეყნიერებას 9 იანვარს მოევლინა. მარიამი იმ დროს გორში იმყოფებოდა, ნაადრევი მშობიარობა დაეწყო, ამიტომ ანდრია გორში დაიბადა: 2 კილოგრამი და 400 გრამი, ხოლო სიგრძეში – 44 სანტიმეტრი. ამჟამად დედაც და შვილიც თავს კარგად გრძნობენ. ახალბედა მშობლები პატარა და უსაყვარლესი ანდრიას გაზრდით არიან დაკავებულები. „თბილისელები“ ულოცავს მათ შვილის დაბადებას, პატარა ვაჟკაცს კი ჯანმრთელობასა და ბედნიერებას უსურვებს!