მაკედონიის ის ნაწილი, სადაც დიდი ალექსანდრე მაკედონელი დაიბადა, დღეს ბულგარეთის საკუთრებაა. ადგილობრივი არქეოლოგებიც ხელებდაკაპიწებულები ეძებენ ყველაფერს, რაც ამ უდიდესი პიროვნების სახელთან არის დაკავშირებული.

ქალაქ სვეშტარის მიდამოებში ნაპოვნი იქნა სამკაულები, რომლებიც ალექსანდრე მაკედონელის მამას, ფილიპე მეორეს ეკუთვნოდა. თრაკიული სამარხის ზედა ფენაში აღმოაჩინეს უძველესი ხის ყუთი დამწვარი ძვლებით, სარიტუალო ნივთებითა და ოქროთი ნაქარგი ქსოვილის ნარჩენებით; ასევე, ოქროს ბეჭდები, ქალის ოქროს ფიგურები, 100 ცალი ოქროს ღილი და ყელსაბამი. ყველაზე ფასეული აღმოჩენაა დიადემა, რომელზეც უძველესმა იუველირმა ლომის თავი ამოტვიფრა და აქეთ-იქით ცხენის ოქროს ფიგურებით შეამკო. ისტორიკოსები ფიქრობენ, რომ ყველა ეს ნივთი ფილიპე მეორის საკუთრება იყო.