21 იანვარი

1506 – რომის პაპის – იულიუს მეორის ბრძანებით შეიქმნა ვატიკანის შვეიცარიელთა გვარდია. ის მსოფლიოში დღეს არსებულთაგან ყველაზე ძველ სამხედრო შენაერთად ითვლება.

1954 – ამერიკის შეერთებულ შტატებში ექსპლუატაციაში შევიდა მსოფლიოში პირველი ბირთვული წყალქვეშა ნავი „ნაუტილუსი“.

1993 – ქალაქ უტიკაში (ამერიკის შეერთებულ შტატებში)  გამოაცხვეს მსოფლიოში უდიდესი ფუნჩულა („პონჩიკი”), წონით 1,7 ტონა.

22 იანვარი

1964 – ზამბია გახდა დამოუკიდებელი სახელმწიფო.

1970 – დაიწყო თვითმფრინავ „ბოინგ 747-ის“ რეგულარული ფრენები (დღეს ის ყველაზე უფრო გავრცელებული სამგზავრო თვითმფრინავია მსოფლიოში).

23 იანვარი

1556 – ჩინეთში მოხდა კაცობრიობის ისტორიაში უდიდესი მიწისძვრა (9 ბალი), რომლის მსხვერპლი გახდა 820 ათასი ადამიანი. 

1960 – შვეიცარელმა მეცნიერმა ჟაკ პიკარმა და ამერიკელმა დონალდ უოლშმა ბატისკაფ, „ტირესტით“, მიაღწიეს რეკორდულ სიღრმეს – 10 915 მეტრზე ჩაეშვნენ მარიანის ღრმულში. 

24 იანვარი

41 – რომში შეთქმულებმა, კასიუს ხერეას მეთაურობით, მოკლეს იმპერატორი კალიგულა.

1848 – ჯეიმს მარშალმა კალიფორნიაში აღმოაჩინა ოქროს საბადო, რაც გახდა „ოქროს ციებ-ცხელების“ დასაწყისი.

1922 – ამერიკელმა კრისტიან ნელსონმა დააპატენტა ნაყინი „ესკიმო“.

25 იანვარი

1831 – პოლონეთის სეიმმა რუსეთის იმპერატორი ნიკოლოზ პირველი, პოლონეთის სამეფო ტახტიდან გადააყენა და პოლონეთის დამოუკიდებლობა გამოაცხადა.

1895 – შედგა პირველი საერთაშორისო მატჩი ბალახის ჰოკეიში. ირლანდიამ მოუგო უელსს,  ანგარიშით – 3:0.

1924 – ფრანგულ ალპურ კურორტ შამონში გაიხსნა პირველი ზამთრის ოლიმპიური თამაშები.

1971 – უგანდის ხელისუფლებაში მოვიდა გენერალი იდი ამინი. 8 წლის განმავლობაში მის მმართველობას შეეწირა 300 ათასამდე ადამიანი.

26 იანვარი 

1788 – ავსტრალიაში პირველად დასახლდნენ ინგლისელი კოლონისტები.

1875 – ამერიკელმა ჯორჯ გრინმა დააპატენტა კბილის  საბურღი მანქანა.

1886 – გერმანელმა კონსტრუქტორმა, კარლ ბენცმა, აიღო პატენტი სამბორბლიან ავტომობილზე შიდაწვის ძრავით.

1905 – სამხრეთ აფრიკაში აღმოაჩინეს მსოფლიოში ყველაზე დიდი ალმასი – „კულინანი“ (3 106 კარატი).

1924 – საბჭოთა ხელისუფლებამ ქალაქ პეტროგრადს სახელი შეუცვალა და დაარქვა ლენინგრადი.

2000 – კრემლში ხელი მოაწერეს ხელშეკრულებას, რომლის მიხედვითაც რუსეთი და ბელორუსია ერთიან სახელმწიფოს ქმნიდნენ.

27 იანვარი

1593 – ჯორდანო ბრუნო ინკვიზიციის ციხეში მოხვდა. 

1895 – სანკტ-პეტერბურგში, მარინის თეატრში, შედგა პრემიერა პეტრე ჩაიკოვსკის ბალეტისა „გედების ტბა“.

1918 – ამერიკის შეერთებულ შტატებში ეკრანებზე გამოვიდა პირველი ფილმი ტარზანის შესახებ. ამ პერსონაჟზე დღესდღეობით გადაღებულია 100-ზე მეტი ფილმი.

1926 – ლონდონში შოტლანდიელმა გამომგონებელმა ჯონ ბერდმა საზოგადოებას წარუდგინა პირველი ტელევიზორი.