მსოფლიოს ერთ-ერთ ყველაზე სექსუალურ ქომაგად მიჩნეული პარაგვაელი ლარისა რიკელმე კინოდებიუტისთვის ემზადება. ლამაზმანი ეკვადორის ტურიზმის სააგენტოს დაკვეთით გადაღებულ ფილმში – „გაცნობა ერთი ღამით,” მთავარ როლზე მიიწვიეს. რიკელმეს სილამაზის თაყვანისმცემლები იმედოვნებდნენ, რომ ფილმში ლარისას ეროტიკულ სცენებში იხილავდნენ. თუმცა, სარეკლამო ხასიათის ფილმში არ არის გათვალისწინებული სიშიშვლე და მხოლოდ ეკვადორის ბუნება და ტურისტებისთვის საინტერესო ადგილები იქნება ნაჩვენები. ცნობისთვის, საჯარო გაშიშვლებაზე ლარისა რიკელმემ რამდენიმე ხნის წინ თავად გააკეთა განცხადება და აღნიშნა, რომ თავისი „ბოიფრენდის“ ერთგულია.