2012 წლის 18-20 სექტემბერს უნგრეთში, კერძოდ კი, ქალაქებში – ბუდაპეშტსა და ბუდაორსში, ჩატარდა ვეტერანთა მსოფლიო ჩემპიონატი ბერძნულ-რომაულ ჭიდაობაში. ეს ჩემპიონატი ყოველწლიურად ტარდება და ქართველი მოჭიდავეები ყოველთვის მედლებით მკერდდამშვენებულები ბრუნდებიან სამშობლოში. წელს შეჯიბრებაში მონაწილეობდნენ: ესტატე გოგლიჩიძე, ალიკა კირაკოსიანი, შალვა გაფრინდაშვილი, ვასილ ქავთარაძე, ომარ მელაშვილი, ლევან მეხეშიძე. პირველი ადგილი და ოქროს მედალი ორმა მოჭიდავემ მოიპოვა: მძიმე წონით კატეგორიაში ესტატე გოგლიჩიძემ და ალიკა კირაკოსიანმა. მესამე ადგილი კი აიღო 2011 წლის მსოფლიო ჩემპიონატში გამარჯვებულმა შალვა გაფრინდაშვილმა. მათ კიდევ ერთხელ ვულოცავთ გამარჯვებას და კიდევ ბევრ წარმატებას ვუსურვებთ.