მარიო ბალოტელი, „მანჩესტერ სიტის” და იტალიის ნაკრების ფეხბურთელი, მორიგ სკანდალში გაეხვია: ცნობილმა ინგლისელმა მეძავმა, ჯენა ტომპსონმა, რომელთანაც თავის დროზე „მანჩესტერ იუნაიტედის” ვარსკვლავმა, უეინ რუნიმ უღალატა ცოლს, განაცხადა, რომ ფეხმძიმედ არის და, მისი გათვლებით, მამობაზე პრეტენზია ორ ადამიანს უნდა ჰქონდეს: მარიო ბალოტელისა და ინგლისელ ტელევარსკვლავს, ჯოშ ბენეტს. გავრცელებული ცნობის თანახმად, ჯენას 100-მდე მამაკაცთან ჰქონდა სექსუალური ურთიერთობა, მათ შორის – ფეხბურთის ვარსკვლავებთანაც. მისი თქმით, იგი ხუთჯერ შეხვედრია მარიოს და, ის საუკეთესოა იმ მამაკაცებს შორის, რომლებთანაც ინტიმური კავშირი ჰქონია, თუმცა, წესით, მხოლოდ ამის გამო დაასახელოს პარტნიორი თავისი შვილის პოტენციურ მამად, მაინცდამაინც ვერ არის ლოგიკასთან ახლოს.