„ბარსელონელი” ხერარდ პიკეს ვარსკვლავური „გერლფრენდი“ შაკირა არასასიამოვნო სიტუაციაში აღმოჩნდა. პოპ-მომღერალს ყოფილმა „ბოიფრენდმა“, არგენტინის ექსპრეზიდენტის ვაჟმა, ანტონიო დე ლა რუამ განუცხადა, რომ სიყვარულის გამო მან იურისტის პროფესიაზე თქვა უარი და, ახლა, როდესაც შაკირა სხვასთან გაექცა, მორალური ზიანის ანაზღაურების სანაცვლოდ მიტოვებული „რომეო“ 45 მილიონ ამერიკულ დოლარს მოითხოვს. შაკირა და ანტონიო ათი წელი ხვდებოდნენ ერთმანეთს და 2010 წელს დაშორდნენ. მართალია, მას შემდეგ შაკირა თბილად იხსენიებდა ყოფილ შეყვარებულს, თუმცა, როგორც ჩანს, შაკირა თბილ ტონს ცივზე შეცვლის და საქმე სასამართლოში გაგრძელდება, რომლითაც ანტონიო ემუქრება ყოფილ სატრფოს.