განის ნაკრების ყოფილმა მეკარემ რიჩარდ კინგსონმა, სენსაციური განცხადება გააკეთა. გოლკიპერის თქმით, 2006 წლის მსოფლიო ჩემპიონატის დროს, ჩეხეთის ნაკრების მატჩამდე, ჩეხეთის ნაკრების წარმომადგენლებმა მას 300 ათასი დოლარი შესთავაზეს მატჩის გაყიდვაში. „ორი ბურთი უნდა გამეშვა და განის ნაკრებს უნდა წაეგო. თავდაპირველად, როდესაც თანხა შემომთავაზეს, თითქმის დავთანხმდი, რადგან, მატჩის მოგებისთვის ჩვენ მხოლოდ 3 ათას დოლარს გვიხდიდნენ პრემიის სახით, მაგრამ, ჩემმა მეუღლემ გადამაფიქრებინა – მან მითხრა, რომ ფულის გამო არ ღირდა რეპუტაციისა და ღირსების დაკარგვა,” – განუცხადა ჟურნალისტებს კინგსონმა. აღსანიშნავია, რომ იმ მატჩში განამ 2:0 მოუგო ჩეხეთს.