სპორტსმენს, რომელზეც იტალიელები დიდ იმედებს ამყარებდნენ ლონდონის ოლიმპიურ თამაშებზე, საპატიო მიზეზი დაუდგინდა, თუ რის გამოც ვერ მოახერხა ოქროს მედლისთვის ბრძოლის გაგრძელება. საუბარია ფედერიკა პელეგრინიზე, იტალიის ერთადერთ ოლიმპიურ ჩემპიონზე ცურვაში. იტალიური მედიის ცნობით, გაირკვა, რომ ოლიმპიადის მსვლელობის დროს  ფედერიკა ფეხმძიმედ ყოფილა და ამ ფაქტმა შეუშალა ხელი საკუთარი შესაძლებლობების გამოვლენაში. ეს საპატიო მიზეზი კი, ფედერიკას სიცილიის ერთ-ერთ პლაჟზე გამოჩენის შემდეგ გახდა ცნობილი. ლამაზმანი, რომელსაც მუცელი უკვე დაეტყო, მთელ დროს თავის „ბოიფრენდ“ ფილიპო მანიანისთან ატარებდა და წყალში შესვლას ერიდებოდა.