სანამ სექსუალური ირინა შეიკი ტელეწამყვანის როლის მოსარგებად ემზადება მშობლიურ რუსეთში და ტელეგადაცემა „გახდი ტოპ-მოდელის” საპილოტე გადაცემის გაშვებისთვის ემზადება, მისი საქმრო, მადრიდის „რეალისა” და პორტუგალიის ნაკრების სუპერვარსკვლავი კრიშტიანუ რონალდუ, მშობლიურ მადეირაზე მავანი ლამაზმანის გარემოცვაში ერთობა. საუბარია „ფლეიბოის” 30 წლის  მოდელზე, მსახიობსა და ტელევარსკვლავზე რიტა პერეირაზე, რომელთან ერთადაც რონალდუმ საკუთარ ღამის კლუბ „სევენში” გაატარა საღამო, შემდეგ კი წყვილი გაურკვეველი მიმართულებით გაუჩინარდა. ამბობენ, რომ ირინას ჯერჯერობით არ გაუკეთებია კომენტარი რონალდუს შესაძლო ღალატზე, თუმცა, უკვე ყველას აფიქრებს ის ფაქტი, რომ დაპირებული ქორწილი „ევროს“ დასრულების შემდეგ არ შედგა და, შესაძლოა, აღარც შედგეს, რადგან, ირინას არაერთხელ აქვს ნათქვამი, რომ, ყველაფრის ატანა შეუძლია, გარდა ღალატისა.