მე მიყვარს „მატრიოშკა“
რუსებზე დიდი წარმოდგენის არ ვარ, თუმცა მათი ნაციონალური, სუპერპოპულარული „მატრიოშკა“ ერთ დროს ძალიან მომწონდა. გამიხარდა, როცა გავიგე, რომ სტატისტიკის მიხედვით, პირველია „ყელში ამოსულ“ სუვენირთა შორის. გაგაცნობთ საინტერესო ისტორიას.
* პირველი „მატრიოშკა“ იმპერატრიცა ეკატერინას ერთ-ერთი ფავორიტის კოპირებული თოჯინა იყო. ეს ფავორიტი ეკატერინამ აღზარდა და ვოლტერთანაც კი გაგზავნა, განათლება რომ მიეღო.
* „მატრიოშკას“ უბედურება მოაქვს. ივანე მრისხანეს დროს „მატრიოშკებად“ გადაცმული ოპრიჩნიკები შეესეოდნენ ხოლმე სოფლებს და აწიოკებდნენ. მას შემდეგ რუსული მაფია მტერს გაფრთხილების ნიშნად, ყელზე შავბაფთაწაჭერილ „მატრიოშკას“ უგზავნის.
* გრიგოლ რასპუტინს „მატრიოშკას“ ტატუ ჰქონდა, ძალიან ინტიმურ ადგილას.
* ოსტატს, რომელმაც პირველი „მატრიოშკა“ დაამზადა, თვალები დასთხარეს, რათა მისი ასლები არ შექმნილიყო, მაგრამ „მატრიოშკების“ ასლები მაინც დაამზადეს.
* ყველა რუსულ საბრძოლო რაკეტას „მატრიოშკას“ ფორმის საწვავის ავზი აქვს და ის ისე საგულდაგულოდ არის მიმალული კორპუსში, რომ შეუმჩნეველი რჩება.
* ეკატერინას დროიდან რუსეთში დამკვიდრდა ტრადიცია – ახალაშენებულ სახლში შეჰქონდათ „მატრიოშკა“ და იატაკზე გააგორებდნენ. თუ ის ფეხზე „ადგომას“ შეძლებდა, სახლში ბედნიერება დაისადგურებდა. თუ არა, სახლს წვავდნენ.
* გასახსნელი „მატრიოშკა“ საბრძოლო იარაღიც იყო. მას მტრის ბანაკში ისროდნენ, „მატრიოშკა“ იხსნებოდა და პატარა მატრიოშკები აქეთ-იქით იბნეოდა. სანამ მათ აკრეფდნენ, მტერი ერთობოდა და მოწინააღმდეგეს ვერ ამჩნევდა, რომელიც ჩუმად ეპარებოდა.