გარღვეული პოპულარობა
ზამთარია და, შესაბამისად, მთელ ევროპაში, ზამთრის სახეობებში მსოფლიოსა თუ ევროპის ჩემპიონატები მიმდინარეობს. ციგით სრიალში პირველობას ქალაქი სან მორიცი მასპინძლობს და ტურნირში მონაწილეობას შოტლანდიური წყვილიც იღებდა. შოტლანდიელმა გოგონებმა საბოლოო ჯამში მეშვიდე ადგილი დაიკავეს, მაგრამ, ერთ-ერთი მათგანი, კერძოდ კი, ჯულიანა კუკი, ტურნირის ყველაზე პოპულარული მონაწილე გახდა.
საქმე ისაა, რომ, როცა ჯულიანა თავის მეწყვილესთან ერთად ციგით უნდა დაშვებულიყო, უკანალზე კომბინეზონი გაეხა. გამოცვლის დრო აღარ იყო და ჯულიანამ მოშიშვლებული უკანალით ისრიალა. სწორედ ამის შემდეგ მიაქციეს მისი სხეულის ამ ნაწილს ყურადღება და გარდა იმისა, რომ კომბინეზონის გარღვევის ამსახველი კადრები ვიდეოზე ერთ დღეში მილიონზე მეტმა ადამიანმა ნახა, სპეციალისტებმა აღიარეს, რომ გოგონას საკმაოდ ლამაზი სხეული აქვს და, თუ მოინდომებს, წარმატებული ფოტომოდელიც გახდება.