სიყვარული – ტელეფონით
რომის „ლაციოს“ ფორვარდი სიმონე ინძაგი და ცნობილი იტალიელი მოდელი ლაურა ბარიალე ერთმანეთს დაშორდნენ. წყვილი საგულდაგულოდ მალავდა დაშორების მიზეზს, მაგრამ, ქალს ენაზე რა გაუჩერდება და, ლაურაც ჟურნალისტებთან აჭიკჭიკდა:
– მე მილანში ვმუშაობ, სიმონე კი რომაულ კლუბში თამაშობს. ჩვენ ძალიან იშვიათად ვხედავდით ერთმანეთს. ორივე ახალგაზრდა ვართ და, ლოგიკურია, რომ ორივეს სექსი გვინდოდა. როცა ერთმანეთი ძალიან მოგვენატრებოდა, ტელეფონით ვუკავშირდებოდით და ვირტუალური სექსი გვქონდა. საბოლოოდ, ეს ვერც მე ავიტანე და სიმონემაც მითხრა, რომ გვერდით ქალი სურდა და არა ტელეფონი. მეორე მხრივ, თუ იგი მილანურ კლუბში გადმოვა ან მე წავალ სამუშაოდ რომში, ჩვენ ისევ ერთად ვიქნებით, – განაცხადა ლაურამ.
ჟურნალისტები კი ამბობდნენ, ნეტავ ინძაგი „ლაციოს“ ძირითადში რატომ ვერ ხვდებაო. როგორ უნდა მოხვედრილიყო, თუ შეყვარებულთან „სასაუბროდ“ ერთი 30-ევროიანი „მონო“ არ ჰყოფნიდა!..