რაგოზინა პირველია
მსოფლიო კრივის ასოციაციამ 2009 წლის მსოფლიოს საუკეთესო მოკრივე ქალად რუსი ნატალია რაგოზინა დაასახელა. მსოფლიოს მოქმედმა ჩემპიონმა რაგოზინამ გასულ წელს სამი სატიტულო შეხვედრა გამართა და სამივეში გაიმარჯვა. ამას გარდა, მან არაერთი ფოტოსესია მოაწყო, სადაც, მუშტების გარდა, ქალური სილამაზეც გამოაჩინა და სწორედ ამ ფოტოსესიებს უკავშირებენ მისი პოპულარობის განსაკუთრებულ ზრდას. შეხვედრების დროს, დარბაზში მყოფ ნეიტრალურ გულშემატკივართა აბსოლუტური უმრავლესობა სწორედ ნატაშას ქომაგობს.
– აღიარებამ ძალიან გამახარა, უფრო მეტად კი ის მახარებს, რომ, როგორც იქნა, გულშემატკივრებს ჩემში მხოლოდ მოკრივე კი არა, ქალი დავანახვე, – აცხადებს რაგოზინა.