საყიდლებზე – მილიონით
დევიდ ბექჰემი „მილანში“ დაბრუნდა და ამ გუნდის ღირსებას მარტამდე დაიცავს. როგორც კი წყვილი ამერიკიდან იტალიაში ჩაფრინდა და დაბინავდა, დევიდი სავარჯიშოდ წავიდა, მისი მეუღლე, ვიქტორია ადამსი კი საყიდლებზე გაიქცა. შინ დაბრუნებულ ვიკას ჟურნალისტები ელოდნენ და ისიც სულ ჟღურტულით მოუყვა, რომ საერთო ჯამში 1,6 მილიონი ევრო დახარჯა.
– მილანში მაღაზიები ნარკოტიკივითაა – შეუძლებელია, გვერდით ჩაუარო და არ შეხვიდე. ჩემს მეუღლეს მხოლოდ საათი ვუყიდე. ის „არმანის“ ფირმისაა და 600 ათასი ღირს. 40 ათასად დივანი ვიყიდე, რომელიც ძალიან მომეწონა, თითქმის მილიონი კი ჩემმა კაბებმა, მაისურებმა, ფეხსაცმელებმა და თეთრეულმა წაიღო. ეჭვი მაქვს, მარტამდე საყიდლებზე კიდევ რამდენჯერმე წავალ, – განაცხადა ვიქტორიამ.