ჩახუტება პაკისტანურად
გაგიკვირდებათ და, პაკისტანს ბალახის ჰოკეიში ქალთა ნაკრები ჰყავს. ნამდვილად ვერ გეტყვით, რამდენად წარმატებით თამაშობენ ისინი, მაგრამ მსოფლიო მედიის ყურადღების ცენტრში მაინც მოექცნენ. ერთ-ერთი მატჩის დროს პაკისტანელმა გოგონებმა მეტოქის კარში გოლი გაიტანეს, რის შემდეგაც გოლის ავტორი ჯერ ერთ თანაგუნდელს გადაეხვია, მერე კი – მწვრთნელს.
– ჩვენი კანონების თანახმად, ქალზე საჯაროდ ჩახუტება იკრძალება და მნიშვნელობა არ აქვს, ამას ვინ და სად აკეთებს. ამიტომ, მოთამაშე გოგონები, რომლებიც ერთმანეთს საჯაროდ ჩაეხუტნენ, ჯარიმის სახით 1 000 დოლარს გადაიხდიან, მწვრთნელს კი 600 დოლარის გადახდა მოუწევს, რადგან პასიური იყო და მას თავად მოთამაშე გადაეხვია, – ასეთი დადგენილება გამოიტანა პაკისტანის ხელისუფლებამ.
სავარაუდოდ, სხვა შემთხვევებში, გოლის გატანის დროს, პაკისტანელი გოგონები ერთმანეთთან მიდიოდნენ და მილოცვის ნიშნად, უბრალოდ, ხელს ართმევდნენ.