შორენა ბეგაშვილზე ახალი ჭორები აგორდა
დაახლოებით ორი კვირის წინ თბილისში ახალი ჭორი აგორდა, რომლის ობიექტი ახალი ქართველი სექს-სიმბოლო – შორენა ბეგაშვილი გახლდათ. თუმცა, უნდა აღინიშნოს, რომ ჭორი არც საყოველთაოდ ცნობილ დავით ბაგრატიონს და მის მონარქიულ ქორწინებას და არც მასთან შერიგებას უკავშირდება. როგორც გავიგეთ, ერთ-ერთ რუს ოლიგარქს, რომელიც ძალიან საინტერესო და რეალური გზებით დაკავშირებია შორენას ახლობლებს, მისი სილამაზით იმდენად მოხიბლულა, რომ მისთვის ერთი შეხვედრის სანაცვლოდ მილიონი დოლარი შეუთავაზებია. რა მოჰყვებოდა ამ შეხვედრას, ამაზე ფიქრით, მგონი, ტყუილად არ უნდა დავიღალოთ თავი, რადგან ჭორის გადამოწმებას დიდი ჟურნალისტური გამოძიება არ სჭირდება. მილიონის „პატრონი“ კი თბილისში ჯერჯერობით ისევ ნაქირავებ ბინაში ცხოვრობს და არც მილიონერობის ეტყობა რამე.
შორენა ბეგაშვილი: ძალიან ბევრი ზარი შემოდის ჩემს ტელეფონში მსგავსი და უფრო დაუჯერებელი წინადადებებით, რომლებზე რეაგირება და დაფიქრებაც კი აბსოლუტური სისულელეა. ამიტომ ასეთ „შემოთავაზებებს“ ყურადღებას არ ვაქცევ. თუმცა, არც იმას უარვყოფ, რომ მსგავსი წინადადება იყო. მაგრამ, როგორც ხედავთ, მილიონერობისგან ძალიან შორს ვარ.