ჯონსონი ისევ შარშია
ინგლისური „ლივერპულის“ მცველი გლენ ჯონსონი მორიგ შარში გაეხვია. მორიგში იმიტომ, რომ 2007 წელს ის პოლიციამ მაშინ დააკავა, როცა ერთ-ერთი სასტუმროდან სავარძელს იპარავდა (?!). ამჯერად, 20 წლის ფეხბურთელს ვინმე რაშიდ ალ მუჰტადი უჩივის. ახალგაზრდა არაბი ამბობს, რომ ჯონსონმა ის ღამის კლუბ „მოვიდაში“ წიხლქვეშ გაიგდო. ალ მუჰტადს ექიმის ცნობაც აქვს, სადაც წერია, რომ მას სხეულზე დაჟეჟილობები აღენიშნება და ტუჩი აქვს გახეთქილი.
– ჯერჯერობით კონკრეტულს ვერაფერს გეტყვით. ვიცი მხოლოდ ის, რაც დაზარალებულმა გვიამბო და თუ მისი სიტყვები მართალია, მაშინ ჯონსონს სერიოზული უსიამოვნება ელის, – ასეთია პოლიციის განცხადება.