ივანოვიჩმა – გავძლიერდიო
მსოფლიოს ყოფილმა პირველმა ჩოგანმა ანა ივანოვიჩმა გასული სეზონი 21-ე ადგილზე დაასრულა, რაც რბილად რომ ვთქვათ, საზიზღარი შედეგია. ანამ ორი თვის წინ თქვა, ახალი სეზონისთვის მზადებას ვიწყებ და ნახავთ, მომავალ წელს როგორ ფორმაში ვიქნებიო. ჰოდა, ივანოვიჩი საზოგადოებას ახლაღა დაენახვა და საკუთარ მომავალზე კვლავ ისაუბრა.
– ფიზიკურად ძალიან გავძლიერდი. ჩემს მეგობარს, ადამ სკოტს ყველა იცნობს, ის ერთ-ერთი საუკეთესო მეგოლფეა და ახლახან ავსტრალიაში ტურნირიც მოიგო. ჰოდა, ამ ტურნირისთვის ჩემთან ერთად ემზადებოდა და თან გოლფის თამაშს მასწავლიდა. შედეგად, ყვანჯს დღეში ათასჯერ მაინც ვიქნევდი ძლიერად და ამან ფიზიკური მომზადება გამიუმჯობესა. ნახავთ, ახალ სეზონს როგორ დავიწყებ, – განაცხადა ივანოვიჩმა, მაგრამ ეჭვი გვაქვს, ავსტრალიაში ანა კუნთებს მხოლოდ ყვანჯის ქნევით ვერ დაიყენებდა.