„რა გითხრათ, რით გაგახაროთ?!“
„მაშინ ოცდარვა წლისა ვიყავი, როცა ეროვნულ ბანკში მე მიკრეს თავი“
გასულ წელს პატრონი უპატრონოდ დარჩენილ (უპატრონოდ, რადგან თავმჯდომარე აგერ უკვე რახანია, არ ჰყოლია) ეროვნულ ბანკსაც გამოუჩნდა: პრეზიდენტის ინიციატივითა და პარლამენტის თანხმობით, ეროვნული ბანკის პრეზიდენტად ირაკლი ქადაგიძე დაინიშნა. შესაბამისად, მმართველი გუნდი მის ეფექტიან მუშაობაში დარწმუნებულია, რის საფუძველსაც მათ ბ-ნი ქადაგიძის „დიდი გამოცდილება“ აძლევს. თუმცა, თუ გავიხსენებთ, რომ ბ-ნი ქადაგიძე, სულ რაღაც, 28 წლისაა, ლარის კურსის სიმყარის ამბავზე არანაკლებ საინტერესოა, სად და როდის უნდა მოესწრო ეროვნული ბანკის პრეზიდენტისთვის ამ მეტად ნორჩ ასაკში „დიდი გამოცდილების“ შეძენა. როგორც ჩანს, ამას ვერც გავიგებთ, სამაგიეროდ, უკვე ცნობილია, რომ 28 წლის ჩინოვნიკის ოფიციალური წლიური სახელფასო შემოსავალი ამიერიდან 120 000 „ს ჩემ ტო“ ლარი იქნება და მერე რა, რომ „მაშინ ოცდარვა წლისა ვიყავი, როცა ძროხაში (ამ შემთხვევაში, ეროვნულ ბანკში) მე მიკრეს თავი.“