ახალი ბრენდი საქართველოში
როდესაც წლების წინ თამუნა ამონაშვილი მოსკოვიდან ჩამოვიდა, ყველას ეგონა, სახეზე პლასტიკური ოპერაცია ჰქონდა გაკეთებული. სინამდვილეში კი აღმოჩნდა, რომ „სისლეის“ ფირმის ნამდვილ ფრანგულ პარფიუმერიას მოიხმარდა და შედეგითაც კმაყოფილი იყო. ამის შემჩნევა არც მის გარშემო მყოფებს გასჭირვებიათ, ამ ფირმის კოსმეტიკური პროდუქციით ბევრი დაინტერესდა, მაგრამ საქართველოში მისი შოვნა ერთი მიზეზის გამო არ შეიძლებოდა, უბრალოდ, ის ჩვენს ქვეყანაში არ იყიდებოდა. დღეს კი „სისლეის“ პროდუქცია „ისი-პარის“ მაღაზიათა ქსელში შეგიძლიათ, შეიძინოთ. საფრანგეთიდან პრეზენტაციისთვის სპეციალურად ჩამოსული ფირმის წარმომადგენელი გაოცებული დარჩა ქართველი ქალების სილამაზით და, სწორედ მისი რეკომენდაციით, ამ ფირმის კოსმეტიკა პირველად ლელა წურწუმიამ და თეონა თავართქილაძემ საკუთარ სახეზე გამოსცადეს. შედეგით მართლაც გაოცებულები დარჩნენ. „სისლეის“ პარფიუმერიული პროდუქციის პრეზენტაცია ხატია შამუგიამ და ფრანგმა სტუმარმა ჟურნალისტებისთვის „თბილისი მარიოტში“ გამართეს. როგორც ხატიამ ღიმილით აღნიშნა, თუ ამ კოსმეტიკისთვის ქალები ფულს არ დაინანებენ, აღარ დაბერდებიან.