გაიხანგრძლივეთ სიცოცხლე
სამწუხაროდ, ადამიანის სიცოცხლე ძალიან ხანმოკლეა. სპეციალისტებმა და მედიკოსებმა, დღეგრძელთა გამოცდილებაზე დაკვირვებით, სიცოცხლის გახანგრძლივების რამდენიმე წესი შეიმუშავეს, რომელსაც ქვემოთ გთავაზობთ:
1. მენიუ უნდა შეესაბამებოდეს თქვენს ასაკს – ადამიანს ნაოჭები გაუჩნდება ძალიან გვიან, თუ ის რეგულარულად მიირთმევს ნიგოზსა და საქონლის ღვიძლს. 40-45 წლის ასაკის ზემოთ სასარგებლოა ბეტა-კაროტინი, რომელიც ძალიან ბევრია სტაფილოში, ნარინჯისფერ და წითელი ფერის ხილში და ბოსტნეულში. 50 წლის ასაკის შემდეგ კარგია კალციუმის მიღება. ის ფორმას უნარჩუნებს ძვლებს, მაგნიუმი კი გულისთვის არის აუცილებელი. ასევე, ხშირად უნდა მიიღოთ სელენი, რომელსაც შეიცავს ყველი. ეს მინერალი ხსნის სტრესს. არ დაგავიწყდეთ თევზი, ის დაავადებებისაგან იცავს გულ-სისხლძარღვთა სისტემას.
2. ნუ მიირთმევთ ბევრს – თუ ფიზიკურ, მძიმე შრომას ეწევით, სრულიად საკმარისია, მიიღოთ დღეში 2 000 კილოკალორია, რითაც ხელს შეუწყობთ უჯრედების განტვირთვას და გააქტიურებას.
3. იმოძრავეთ – დღეში რამდენიმე წუთით ივარჯიშეთ. ნებისმიერი სახის ვარჯიშის დროს გამოიყოფა ზრდის ჰორმონები, რომლებიც საგრძნობლად მცირდება 30 წლის ასაკის შემდეგ.
4. გულს ნურაფერზე გაიტეხთ – ცნობილი ფაქტია, რომ ოპტიმისტები უფრო დიდხანს ცოცხლობენ, ვიდრე პესიმისტები.
5. აიძულეთ ტვინი, იმუშაოს და არ მოდუნდეს – როცა ტვინი მუშაობს, ამ დროს ადამიანი არა მარტო ინარჩუნებს ნათელ გონებას, არამედ ერთდროულად ააქტიურებს გულ-სისხლძარღვთა სისტემის მოქმედებასა და ნივთიერებათა ცვლას. ამიტომ, ამოხსენით კროსვორდები, ბევრი იკითხეთ, შეისწავლეთ უცხო ენები და ასე შემდეგ.
6. შეეცადეთ, მიიღოთ ბევრი დადებითი ემოცია – მიეცით თავს უფლება, დროდადრო გვიანობამდე იმხიარულოთ მეგობრების წრეში, უყუროთ სასიამოვნო ფილმებს, გადაცემებს, მეტი დრო დაყოთ იმ ადამიანების გვერდით, ვისთანაც თავს კარგად გრძნობთ.
7. იძინეთ გრილ ოთახში – თუ 18-19 გრადუსი ტემპერატურის პირობებში გძინავთ, ახალგაზრდობას დიდხანს გაიხანგრძლივებთ, რადგან ორგანიზმში მიმდინარე ნივთიერებათა ცვლა და ასაკობრივი ცვლილება დამოკიდებულია გარემოში არსებულ ტემპერატურაზე.
8. ნუ ჩაიკლავთ გულში სიბრაზეს – თუ გაბრაზდით, ნუ ჩაიკლავთ გულში ბოღმას და გამოხატეთ ემოციით. გამოუხატავი სიბრაზე ხელს უწყობს ბევრი დაავადების განვითარებას.
9. მოიწესრიგეთ სექსუალური ცხოვრება – ადამიანი, რომელსაც კვირაში ორჯერ მაინც აქვს სექსი საყვარელ ადამიანთან, თავის ასაკთან შედარებით ახალგაზრდულად გამოიყურება. სექსის დროს ორგანიზმში გამომუშავდება „ბედნიერების ჰორმონი“ – ენდორფინი, რომელიც აძლიერებს იმუნურ სისტემას.
გვერდები მოამზადა
ნონა დათეშიძემ