დიტო ლაგვილავა და ჯგუფი “ეფემერა„ ახალ წელს გვილოცავენ
კვირას, 20 დეკემბერს, ჯგუფი „ეფემერა“, რომლის სოლისტიც ცნობილი „ვარსკვლავების აკადემიის“ გამარჯვებული დიტო ლაგვილავაა, პეტრიაშვილზე მდებარე მე-6 სკოლაში ახალ სიმღერაზე კლიპს იღებდა. საახალწლო სიმღერის, რომლის სახელწოდებაა „ახალ წელს“, ტექსტისა და პირველადი მუსიკის ავტორი თავად დიტოა, არანჟირება და სიმღერისთვის საბოლოო სახის მიცემა კი მთელი ჯგუფის დამსახურებაა. სიმღერაზე კლიპი რეჟისორმა ზვიად მეზვრიშვილმა – „სტოპ-სტარტ სტუდიომ“ გადაიღო. ვინაიდან ახალი წელი ყველაზე მეტად მაინც ბავშვებს უხარიათ, სკოლა კლიპის გადასაღებად ყველაზე კარგი ადგილი აღმოჩნდა. დიტო და მისი ჯგუფის წევრები იმედოვნებენ, რომ კლიპი აუცილებლად შეგიქმნით საახალწლო განწყობას და არაჩვეულებრივ ხასიათზე დაგაყენებთ.