„თბილისელების“ სამზარეულო
საჭირო ინგრედიენტებია: 8 ცალი მაგარი მსხალი, 10 ცალი ნიგოზი (50 გრამი), 200 გრამი მდნარი ყველი, 300 მილილიტრი ზეთი, 3 კვერცხი, 150 გრამი ფქვილი, 300 გრამი საფანელი, 200 მილილიტრი ალუბლის სიროფი.
მომზადების წესი: მსხალი გარეცხეთ, გააშრეთ და ძალიან თხლად გათალეთ. ყუნწი და ძირი არ მოაჭრათ. გვერდულად ჩაჭერით და ისე ამოაჭერით შუაგული.
ნიგოზი დანაყეთ და მოშუშეთ ცხელ ტაფაზე მშრალად, ცხიმის გარეშე. ნელ-ნელა შეურიეთ გამდნარ ყველს და ამ სატენით ამოავსეთ მსხლები. ფქვილი და კვერცხი ერთად ათქვიფეთ. ცომში ამოავლეთ მსხლები, ამოავლეთ საფანელში და გამოაცხვეთ ჰაერღუმელში. შედგმამდე მოასხით ზეთი. გამოიღეთ და ცოტა რომ შეგრილდება, მოასხით ალუბლის სიროფი.