თინა კანდელაკი ყველაფერში პირველია
თინა კანდელაკი ეს ის ქალია, რომელსაც მეუღლესთან განშორება, ოჯახური კონფლიქტები და გაუგებრობები დეპრესიაში არ აგდებს. პირიქით, ყოველივე ამის შემდეგ მისმა შრომისმოყვარეობამ და ენერგიულობამ კიდევ უფრო მოიმატა. თინას მიერ მოფიქრებული ახალი სატელევიზიო პროექტი უკვე გახდა მედია გადაცემების ბლოკბასტერი. ჯერ მარტო მისი „ტრეილერი“, ანუ სარეკლამო-საანონსე კლიპი, რვაასი ათას ინტერნეტ მომხმარებელს ჰქონდა ნანახი. ყველა გამოკითხვით თინას საავტორო გადაცემა „ინფომანია“ არის პროექტი, რომელსაც მაყურებელი ყველაზე მეტად ელის. აღსანიშნავია, რომ „ინფომანიას“ ერთი წამყვანი არ ჰყავს – ფორმატის მიხედვით, არსებობენ „კოლუმნისტები“: ქსენია სობჩაკი, იგორ მატვინენკო, დიმა ბილანი და მიხაილ ფიშმანი.