“ნატალის„ გამოსაშვები საღამო თუმანიშვილის თეატრში
30 ივნისს მიხეილ თუმანიშვილის სახელობის თეატრში სამოდელო სააგენტო „ნატალის“ ბაზაზე არსებულმა სკოლა-სტუდიამ წლის შემაჯამებელი შოუ წარმოადგინა, რომელიც ყოველწლიურად იმართება. ამ შოუზე, „ნატალის“ აღსაზრდელები იმ ცოდნის შედეგს წარმოადგენენ, რომელიც მთელი წლის განმავლობაში სტუდიაში მიიღეს, არის ეს სამსახიობო ოსტატობა, ქორეოგრაფია თუ სხვა. შოუს, შვილებთან ერთად, „ნატალის“ აღზრდილი ცნობილი მოდელები დაესწრნენ, რომელთა შორის არიან: თამუნა გაბრიელაშვილი, კრისტი ყიფშიძე, ლალი ტოტიკაშვილი, თიკო ნატროშვილი, თიკა ფაცაცია, თიკო ჩხეიძე, ნინო ცქიტიშვილი, ანა კოშაძე და სხვები. იმედს ვიტოვებთ, რომ „ნატალის“ აღზრდილი მოდელები მსოფლიო პოდიუმებს დაიპყრობენ და უდიდეს სახელს მოუტანენ საქართველოს მოდის სფეროში.