2014-2015 წლების სეზონიდან ინგლისის ყველაზე ტიტულოვან კლუბს, „მანჩესტერ იუნაიტედს,” ახალი სპონსორი ეყოლება – ამერიკულმა ავტოგიგანტმა „ჯენერალ მოტორსმა” უკვე გააფორმა კონტრაქტი კლუბის ხელმძღვანელებთან. შვიდწლიანი კონტრაქტის თანახმად, კლუბი, საერთო ჯამში, 559 მილიონ ამერიკულ დოლარს მიიღებს: პირველ სეზონში – 70 მილიონს, შემდგომ კი ეს თანხა, ყოველი ახალი სეზონის დაწყებისთანავე, 2,1 პროცენტით გაიზრდება. „ჯენერალ მოტორსის” არჩევნის სისწორეში დასარწმუნებლად საკმარისია, შეგახსენოთ, რომ „მანჩესტერ იუნაიტედის” ოფიციალურად დარეგისტრირებული ფანების რაოდენობა მსოფლიოში 660 მილიონი ადამიანია.