– ბატონო‚ გაწიეთ ხელები! მე სულაც არ ვარ ისეთი‚ რასაც ჩემზე ფიქრობთ!
– სულაც არ ვფიქრობ თქვენზე იმას‚ რასაც თქვენ გულისხმობთ.
– მე კი მეგონა‚ კაცი იყავი...
***
ცირკში ძაღლების მომთვინიერებელი აცხადებს:
– ჩვენი ჩაპა მათემატიკოსია‚ ნახეთ‚ როგორ იანგარიშოს. აბა‚ ჩაპა‚ რამდენია ორჯერ ორი?
– ჰამ‚ ჰამ‚ ჰამ‚ ჰამ!
– ყოჩაღ‚ ჭკვიანი ხარ. მაყურებელს შეუძლია, ჩაპას თავისი მაგალითი შესთავაზოს.
წამოხტა ერთი:
– ცხრაჯერ ცხრა!
ძაღლი დაფიქრდა.
– ჰამ‚ წადი შენი! თუ კარგია‚ ამდენი შენ იყეფე!
***
– გოგონა‚ შეიძლება‚ ჩემთან წამოხვიდე? ყავა დავლიოთ‚ შამპანური‚ მუსიკა‚ სექსი... მარტო ვარ...
– ეს რამ მოგაფიქრა?! არა‚ მართლა‚ ეს აზრი თავში როგორ მოგივიდა?! ან‚ საერთოდ‚ როგორ მიხვდი?!
***
მიდიოდა პრჟევალსკი‚ გადაიარა ურალი... ტაიგა‚ შემოხვდა ცხენი... ცხრა თვის შემდეგ მან მოგზაურის გვარი მიიღო.

***
დადგინდა: ოჯახი რომ მყარი იყოს‚ აუცილებელია‚ საქმრომ ერთხელ მაინც ნახოს თავისი საცოლე მაკიაჟის გარეშე.
***
ვაქირავებ მეზობლის ბინას... სანამ ის მივლინებაშია.
***
– მოდი‚ ძმებო‚ შევეშვათ სმას!
– ო‚ ერთხმად‚ ერთხმად ავიტაცოთ‚ მშვენიერი სადღეგრძელოა!
***
ფსიქოლოგის რჩევა: როდესაც შინ გაგვიანდებათ‚ შესვლისას უთხარით ცოლს: „დღეს შესანიშნავად გამოიყურები‚ საყვარელო“; თუ ისეთ მდგომარეობაში ხართ‚ რომ თავის აწევის ძალა არ შეგწევთ‚ შეგიძლიათ, შეუქოთ პედიკიური და, თუ‚ საერთოდ‚ ლაპარაკის თავიც არ გაქვთ‚ თქვით: „შეიძლება?“
***
რესტორანში ცოლი ეუბნება ქმარს:
– დავინახე‚ სანამ ტუალეტიდან მაგიდამდე მოხვედი‚ ოფიციანტი არ გამოგიტოვებია‚ ყველას უკანალზე წაავლე ხელი...
– სველი ხელები შევიმშრალე‚ საყვარელო...
***
– მამი‚ ფული მინდა‚ პრეზერვატივისთვის...
– ვერ მიიღებ‚ მე შვილიშვილები მინდა...
***
– აი‚ იმ გოგოს ხედავ? ცოლად უნდა მოვიყვანო‚ რას ფიქრობ‚ გამომადგება?
– როგორ გითხრა... რქებს ნამდვილად ვერ დაგადგამს.
***
– დაკვირვებიხართ? ყველა ნათელმხილველი‚ შემლოცველი თუ მკითხავი აცხადებს‚ „დაგიბრუნებთ ქმარს“... ცოლს რატომ არაო?
– მოთხოვნილება არ არის – რაც მკითხავს უნდა გადაუხადონ‚ იმ ფულით კაცები ახალ ცოლს შოულობენ...
***
– სანდრო‚ ჩადი მაღაზიაში‚ ორი პური წამოიღე‚ თუ კვერცხი იქნება – ათი ცალი...
სანდრო მალე დაბრუნდა ათი ცალი პურით.
– კი მაგრამ, ამდენი პური რატომ მოიტანე?
– კვერცხი იყო და?!.
***
თუ თქვენ წინიდან მშვენიერი‚ ქერათმიანი ქალი გეხუტებათ‚ უკნიდან – შავთმიანი‚ თავი კი მაღალი, წაბლისფერთმიანი ქალის დიდ მკერდში გაქვთ ჩაყოფილი‚ სულაც არ ნიშნავს‚ რომ თქვენ სამოთხეში ხართ ან სიზმარში‚ უბრალოდ‚ პიკის საათია‚ ყვითელ ავტობუსში დგახართ და მაგრად გაგიმართლათ...
***
კომპანიის დირექტორი თავის მდივანს ეუბნება:
– შეგვიძლია, ერთი კვირით  ზღვაზე წავიდეთ...
მდივანი ქმარს ურეკავს‚ ერთი კვირით მივლინებაში მივდივარო... ქმარი ურეკავს თავის საყვარელს‚ მათემატიკის მასწავლებელს – ერთი კვირა თავისუფლება! ჩემი ცოლი მივლინებაში მიდისო... მათემატიკის მასწავლებელი ურეკავს თავის მოსწავლეს – ერთი კვირა გაკვეთილები არ გექნება‚ აუცილებელი საქმე გამომიჩნდაო... მოსწავლე ურეკავს ბაბუას‚ სწორედ იმ კომპანიის დირექტორს – ერთი კვირა თავისუფალი ვარ და ერთად გავატაროთ დროო... კომპანიის დირექტორი ურეკავს თავის მდივანს: შვილიშვილმა ძალიან მთხოვა და ამ კვირას არ გამოვა ჩვენი ამბავიო... მდივანი ურეკავს თავის ქმარს – მივლინება გადაიდოო... ქმარი – საყვარელს – ამ კვირაში არ გამოვა ეგ ამბავიო... საყვარელი – მოსწავლეს‚ გაკვეთილები ჩაგიტარდებაო... მოსწავლე – ბაბუას‚ ამ კვირაშიც მაქვს მეცადინეობაო.... დირექტორი – თავის მდივანს – მივდივართო... და ასე შემდეგ.
***
გუშინ ძალიან მძიმე დღე მქონდა... მერე დაღლილმა‚ ხელფასი საყვარელს მივეცი‚ შამპანური და ბამბანერკა – ცოლს... მაგრამ, გადავრჩი – ორივენი ბედნიერები იყვნენ.
***
გზაზე ორი სვანი მიდის. ერთმა სარკე იპოვა‚ ჩაიხედა და წამოიძახა:
– რა ნაცნობი სახეა?!
– აბა‚ მომეცი‚ – გამოართვა მეორემ და ჩაიხედა‚ – ნაცნობი იქნება‚ აბა‚ რა‚ ეს ხომ მე ვარ?!
***
– მივედი გუშინ სახლში და ცოლი სექსუალურ საცვლებში დამხვდა‚ ხელში თოკი უჭირავს... გამომიწოდა და მრავალმნიშვნელოვნად მეუბნება.
– გამკოჭე და, რაც გინდა‚ ის მიქენი...
ჰოდა‚ მეც მივაბი საწოლზე და კომპიუტერს მივუჯექი... მთელი ღამით...

***
– დედი‚ დღეს გეოგრაფიაში თეთრი ღამეები აგვიხსნეს‚ ჩრდილოეთში ყოფილა...
– მარტო ჩრდილოეთში‚ რათა‚ შვილო‚ მამაშენს აქაც სულ თეთრი ღამეები არა აქვს... ღამე თეთრ არაყსა სვამს‚ დღე კიდენა – სძინავს...
***
განცხადება: „ვყიდი პარაშუტს ან ვცვლი ინვალიდის ეტლში“.
***
კომპიუტერს ტვინთან შედარებით ერთი უპირატესობა აქვს – მას იყენებენ.