ლონდონის ოლიმპიადის მსვლელობის პერიოდში, ოლიმპიურ სოფელში, სადაც მსოფლიოს 204 ქვეყნის წარმომადგენელი სახლობდა, უცნაური პერსონაჟი გამოჩნდა – უჩვეულო დროს, ზაფხულში, ათლეტებს თოვლის ბაბუა ესტუმრა და სპორტსმენთა ნაწილი საკმაოდ ძვირად ღირებული საჩუქრებით დააჯილდოვა. მაგალითად, არგენტინის ფრენბურთელთა ნაკრების წევრს, ჯონ კასტელანს, დილით გაღვიძებულს, საწოლთან ახალთახალი „აიპადი” დახვდა. 21 წლის სპორტსმენისთვის დღემდე გაუგებარია, როგორ მოახერხა კეთილმა თოვლის ბაბუამ მის ოთახში ისე შეღწევა და საჩუქრის საწოლთან დადება, რომ მას არაფერი გაუგია.