ცნობილი ფაქტია, რომ ესპანეთის ნაკრების მეკარე იკერ კასილასი და სპორტული ჟურნალისტი სარა კარბონერო ერთმანეთს ხვდებიან. წყვილის სასიყვარულო ისტორია 2010 წლის „მუნდიალის“ დასრულების შემდგომ გახმაურდა, როდესაც იკერმა სარას ვნებიანად აკოცა პირდაპირ ეთერში. სულ ახლახან წყვილი მადრიდის ქუჩებში სეირნობდა, როდესაც ორი პაპარაცი აეკიდათ. იკერმა ყურადღება არ მიაქცია მათ და სწრაფი ნაბიჯით გაცლა ამბჯობინა, მაგრამ, სარამ თავისი ჩანთა მოიმარჯვა და პაპარაცებს მეზობელ ქუჩამდე სდია. მოგვიანებით ესპანურ პრესაში დაიწერა, რომ, იკერს, გარდა იმისა, რომ მსოფლიოს საუკეთესო დაცვის ხაზი იცავს ნაკრებში, პირად ცხოვრებაშიც გამოუჩნდა დამცველი სარას სახით.