უელსელი მოდელი იმოგენ ტომასი, რომელმაც სახელი ფეხბურთელ რაიან გიგზთან რომანით და რამდენიმე ხნის წინ „ტვიტერზე” გულახდილი ფოტოების განთავსებით გაითქვა, ახალი რეალური შოუს გმირი გახდება. ტომასმა უკვე გააფორმა კონტრაქტი ტელეარხ E4-თან შოუ „თულ აკადემიში” მონაწილეობის მისაღებად. სცენარის თანახმად, ბიჭების ჯგუფი ეცდება ტომასის გულის მოგებას. ყველაზე საინტერესო კი ის არის, რომ ამ ყველაფერს ამ ბიჭების მეგობარი გოგონები გააკონტროლებენ და თვალყურს ადევნებენ. ის ბიჭი, რომელიც ტომასის გულის მოგებას მოახერხებს, პრიზის სახით 25 ათას გირვანქა სტერლინგს მიიღებს. ამგვარად, ბრიტანეთში იმოგენ ტომასის მორიგი ტრიუმფისთვის ემზადებიან.