სულ ახლახან ვესტმინსტერის სასამართლომ გაამართლა „ჩელსის” მცველი ჯონ ტერი და რასიზმში ბრალდებები მოუხსნა. შეგახსენებთ, რომ „ქუინზ პარკ რეინჯერსის” ფეხბურთელმა ანტონ ფერდინანდმა ტერი რასისტულ გამონათქვამებში ამხილა და ამ ფაქტის გამო ტერის ნაკრების კაპიტნის წოდებაც კი ჩამოერთვა. თუმცა, სულ ახლახან სკანდალში ანტონის ძმა, გაცილებით ცნობილი ფეხბურთელი, რიო ფერდინანდი გაეხვა, რომელმაც თავის „ტვიტერზე” „ჩელსის” ფეხბურთელის, ეშლი კოულის მისამართით რასიზმის შემცველი ფრაზა დაწერა: „გისმენ მეგობარო, კლასიკური  გაყინული შოკოლადი”, – ამ ფრაზაში ინგლისელებმა რასიზმის ელემენტები დაინახეს და ამჯერად ფერდინანდს იგივე გზის გავლა მოუწევს, რაც ჯონ ტერიმ რამდენიმე თვის წინ გაიარა.