ლეგენდარული ჩეხი ჰოკეისტი, „დომინატორად” წოდებული დომინიკ ჰაშეკი ამერიკის ნაციონალურ ჰოკეის ლიგაში დაბრუნებას გეგმავს. 47 წლის ჰოკეისტს ყველა არსებული რეკორდი აქვს მოხსნილი, თუმცა, როგორც ჩანს, მისთვის პენსიაზე გასვლა ჯერჯერობით ნაადრევია და თავის აგენტს რომელიმე კლუბში ადგილის გამოძებნა დაავალა. უკვე ცნობილია, რომ რამდენიმე კლუბი მზად არის, კონტრაქტი გააფორმოს ჰაშეკთან. პირველად ნაციონალურ ჰოკეის ლიგაში ჰაშეკი 1990 წელს გამოჩნდა და საიმედო მეკარის სახელიც მოიპოვა. ბოლო სეზონი „დომინატორმა” მოსკოვის „სპარტაკში” გაატარა და როგორც ჩანს, კარიერის დასრულება ამერიკაში განიზრახა.