მომღერალი, დიჯეი, ორიგინალური, ყველასგან განსხვავებული შემსრულებელი ეშლი მალიანი დედა გახდა. 17 მაისს მას პირველი შვილი შეეძინა, რომელსაც ძველქართული და ძალიან ლამაზი სახელი – უტა დაარქვეს. ეშლი და მისი მეუღლე, გიგა მაჭავარიანი, უბედნიერესები არიან და მხოლოდ ბავშვზე ფიქრობენ. პატარა უტა დედასთან ერთად უკვე სახლშია და თავს ორივე მშვენივრად გრძნობს.
 მეორე ბიჭის დედა გახდა ყოფილი ტელეწამყვანი, ქორწინების სახლის დირექტორი თამთა ძლიერიშვილი. მშობლებმა ახალშობილს ანდრია დაარქვეს, რომელიც ქვეყანას 29 მაისს მოევლინა „ჯანმრთელობის სახლში”. თამთას საკეისრო კვეთა გაუკეთა ამირან ქორიძემ და ყველაფერმა გართულების გარეშე ჩაიარა. ანდრიას წონა 3 კილოგრამი და 300 გრამია, სიგრძე კი – 51 სანტიმეტრი. პატარა ანდრია გოგუაძე სულ მალე წავა სახლში დედიკოსთან ერთად. 
 ვულოცავთ ეშლისა და თამთას ამ უდიდეს ბედნიერებას და ახალშობილებთან ერთად ჯანმრთელობასა და დიდხანს სიცოცხლეს ვუსურვებთ.