ქალის მკერდის აღდგენის ახალი მეთოდი
მომავალ წელს ბრიტანელ ქალებს, რომლებსაც სარძევე ჯირკვლის ამპუტაცია გაუკეთდათ, მკერდის აღდგენის ახალ მეთოდს შესთავაზებენ. ეს ტექნოლოგია უკვე გამოსცადეს ღორებსა და თაგვებზე. ვარაუდობენ, რომ მკერდის კიბოს ოპერაციის შემდეგ, მისი სრული აღდგენა ამ მეთოდით რვა თვის განმავლობაში მოხდება.
ექიმები პაციენტებისგან იღებენ ცხიმის ქსოვილებს ლაბორატორიულ პირობებში და ზრდიან მათში ღეროვანი უჯრედების კონცენტრაციას. შემდეგ პაციენტის კანქვეშ ჩაინერგება ბიოლოგიურად თავსებადი კარკასი, რათა შეიქმნას ღრუ, რომელიც თავისი ფორმით მეორე ძუძუს შეესაბამება. ცხიმი, რომელიც გამდიდრებულია ღეროვანი უჯრედებით, ჩატუმბული იქნება ღრუში, რომელიც თანდათანობით გაივსება უჯრედების დაყოფით. ასე რომ, ახალი მკერდი შექმნილი იქნება ცხიმისგან, რომელიც სარძევე სადინარების გარეშეა და უფუნქციო ქსოვილისგან შედგება. ლონდონის ინსტიტუტის პროფესორი კეფა მაკბელი იმედოვნებს, რომ როდისმე სწავლულები შეძლებენ ქალის მკერდის უფრო ფუნქციური ქსოვილების გაზრდას.