პირველი დღე

მოხარშეთ ნახევარი კილოგრამი ქერის ბურღული უცხიმოდ და უმარილოდ. მიირთვით ყოველ 2 საათში ერთხელ, დღის განმავლობაში. ვახშმად – 1 ცალი მწვანე ვაშლი.

მეორე დღე

იმავე წესით მოხარშეთ ისევ ნახევარი კილოგრამი ბურღული. 3 ცალი მომცრო ზომის ბანანი გაყავით 6 ნაწილად. თითოეული ნაწილი ჩააჭერით თითო ჯერ ფაფას და ისე მიირთვით.

მესამე დღე

ბურღული – იმდენივე. თითოეულ ჯერს შეურიეთ ქიშმიშის 5 მარცვალი და ჩააჭერით ნიგვზის 3 ცალი ლებანი. ვახშმად ბურღულის ფაფის ნაცვლად მიირთვით 150 გრამი უცხიმო ხაჭო ან 1 ჩაის ჭიქა უცხიმო კეფირი (ან მაწონი).

მეოთხე დღე

ნახევარი კილოგრამი მოხარშული ბურღული და 5 ცალი ვაშლი გაყავით 5 ნაწილად და 5-ჯერად მიიღეთ. ვახშმად (მეექვსე ჯერზე) მიირთვით საქონლის 100 გრამი მოხარშული მჭლე ხორცი, 2-3 ცალი პომიდორი „ჩერი“, დაძინებამდე 1 საათით ადრე კი, დალიეთ 1 ჭიქა მელისას ნახარში ან მწვანე ჩაი.

მეხუთე დღე

ნახევარი კილოგრამი მოხარშული ბურღული და 200 გრამი ყურძენი გაყავით 5-6 ნაწილად. ძილის წინ დალიეთ თაფლიანი წყალი (1 ჩაის ჭიქა თბილ წყალში გახსენით 1 ჩაის კოვზი თაფლი).

მეექვსე დღე

დილით – 1 ჩაის ჭიქა თაფლიანი წყალი, 2 ცალი ლეღვის ჩირი და 2 ლებანი ნიგოზი. დღის განმავლობაში – ბურღულის ფაფა, ვახშმად – 1 ცალი მოხარშული კვერცხი და 1 ჭიქა უცხიმო მაწონი.

მეშვიდე დღე

დილით – ისევ თაფლიანი წყალი, 2 ცალი კურაგა (გარგარის ჩირი) და 2 ლებანი ნიგოზი. დღის განმავლობაში – ბურღულის ფაფა. ვახშმად – 2 ცალი მწიფე ბანანი.

მერვე დღე

დილით – კვლავ თაფლიანი წყალი, 2 ცალი გარგარის ჩირი და 2 ლებანი ნიგოზი. ამ საუზმის შემდეგ კი, შეგიძლიათ, ჩვეულებრივ კვებაზე გადახვიდეთ.

თუ ამ დიეტას ზუსტად დაიცავთ, 1 კვირაში 3-დან 5 კილოგრამამდე დაიკლებთ.

დღის განმავლობაში მიიღეთ 2 ლიტრამდე სითხე.

ჩვენ მიერ შემოთავაზებული დიეტის განმეორება შეგიძლიათ ერთთვიანი შუალედებით.