ლონდონის „ჩელსის” ნახევარმცველი, ფრენკ ლამპარდი, ინგლისის პრემიერ-ლიგის ისტორიაში გახდა მეხუთე ფეხბურთელი, რომელმაც 150 გოლის გატანა შეძლო. საიუბილეო გოლი ინგლისის ნაკრების წევრმა პენალტის ნიშნულიდან „ფულემს” გაუტანა. მანამდე 150-გოლიან ზღვარს პრემიერ-ლიგაში გადასცდნენ: ალან შირერი (206 გოლი), ენდი კოული (189), ტიერი ანრი (176) და რობი ფაულერი (163). 33 წლის ლამპარდი „ჩელსის” რიგებში 2001 წლიდან ასპარეზობს და მას შემდეგ „არისტოკრატების” მაისურის მორგება მან 375 მატჩში მოახერხა.