კითხვა: ჩემი შვილი დაიბადა 1998 წლის 7 ნოემბერს, ღამის 1 საათსა და 30 წუთზე. რა არის მისი კარმულ-კოსმიური მისია დედამიწაზე და რომელ პროფესიაში ელის მას წარმატებები?

პასუხი: თქვენი შვილის კარმულ მისიას წარმოადგენს ის, რომ გამოავლინოს აქტიურობა, ენერგიულობა, ინიციატივა, პასუხისმგებლობა, ლიდერულ-ორგანიზატორული ნიჭი; ასევე, უნდა იყოს უშიშარი, მებრძოლი სულისკვეთების, დაეყრდნოს ოპტიმიზმს, კეთილშობილებას, გამოამჟღავნოს დიპლომატია, ყური უგდოს ინტუიციას, ისწავლოს საიდუმლოს შენახვა. ამ თვისებების გამოვლენით ის შეასრულებს თავის კარმულ-კოსმიურ მისიას და წარმატებებსაც მიაღწევს ცხოვრებაში. რაც შეეხება პროფესიებს, მისთვის კარგი და მისაღებია: პოეზია, ლიტერატურა, ხელოვნების ფართო სპექტრი, საქველმოქმედო საქმიანობა, სასტუმროების ბიზნესი, ფსიქოლოგია, ფილოსოფია, ოკულტიზმი, არქიტექტურა, პარფიუმერიულ-კოსმეტიკური საქმიანობა ან ბიზნესი, სამასაჟო საქმე, პლასტიკური ქირურგია, კარდიოლოგია, სტომატოლოგია, ჟურნალისტიკა, რადიო, ტელევიზია, პრესა, სარეკლამო და საგამომცემლო ინდუსტრია.

კითხვა: დავიბადე 1971 წლის 8 დეკემბერს, გამთენიისას. რა გავაკეთო, რომ ადვილად მივაღწიო დასახულ მიზნებს და გამიმართლოს ცხოვრებაში?

პასუხი: თქვენ უნდა დაეყრდნოთ ინტუიციას, წარმოაჩინოთ საკუთარი შესაძლებლობები. იყავით მეტად აქტიური, ენერგიული, ინიციატივიანი; გამოავლინეთ ლიდერულ-ორგანიზატორული თვისებები; ასევე, იყავით უშიშარი, მებრძოლი სულისკვეთების, დაეყრდენით ოპტიმიზმს, ცოდნის ბაზას, კომუნიკაბელურობას. იყავით თავისუფლებისმოყვარე. ეს ტენდენციები ხელს შეგიწყობთ, ადვილად მიაღწიოთ წარმატებებს ცხოვრებაში.

კითხვა: დავიბადე 1982 წლის 24 ოქტომბერს. რომელი ზოდიაქოს ნიშნის ქვეშ დაბადებულ ადამიანთან მელის ბედნიერი ქორწინება და უცხოეთის რომელი ქვეყანაა ჩემთვის წარმატების მომტანი?

პასუხი: თქვენთვის კარგია ქორწინება მორიელის, ქალწულის, თევზების, თხის რქის ან კირჩხიბის ზოდიაქოს ნიშნის ქვეშ დაბადებულ ადამიანთან. რაც შეეხება უცხოეთს, ის თქვენი კარმულ-კოსმიური მისია ნამდვილად არ არის, თუმცა, შეგიძლიათ ცოტა ხნით იქ ცხოვრება და მუშაობა. ქვეყნებიდან კი მისაღებია: გერმანიის ბავარიის მხარე, ჰოლანდია, ამერიკის შეერთებული შტატების დასავლეთი ნაწილი, შოტლანდია, თურქეთი, ნორვეგია.

კითხვა: ჩემი და დაიბადა 1986 წლის 15 აპრილს, დილის 11 საათსა და 35 წუთზე. უნდა უცხოეთში წასვლა. არის თუ არა უცხოეთი მისთვის კარგი და, კერძოდ, რომელ ქვეყანას ურჩევთ?

პასუხი: უცხოეთში წასვლა მისი კარმული მისია არ არის, ამიტომ პრობლემები შეექმნება. ორმაგი ძალისხმევის გარეშე რთულად მიაღწევს წარმატებებს. თუ გაემგზავრება უცხოეთში, მისთვის უკეთესია: უკრაინა, ირლანდია, კვიპროსი, პოლონეთი, შვეიცარიის აღმოსავლეთი ნაწილი, მოლდოვა, ბელგია, არგენტინა, ესტონეთი, ფინეთი, ლატვია, ეგვიპტე, ბულგარეთი, ისრაელი, ბრაზილია, ჩინეთის ცენტრალური ნაწილი, ფილიპინები, ტაილანდი, ავსტრალიის ცენტრალური ნაწილი, სამხრეთ კორეა, კუნძული მალტა.

კითხვა: დავიბადე 1979 წლის 17 სექტემბერს, დილით. რომელ ზოდიაქოს ნიშანთან არის სასურველი ოჯახის შექმნა?

პასუხი: თქვენთვის უმჯობესია ურთიერთობა ლომის, კირჩხიბის, კუროს, მორიელის ან თხის რქის ზოდიაქოს ნიშნის ქვეშ დაბადებულ ადამიანებთან ოჯახის შექმნის მიზნით. ერიდეთ „ქალწულებს“.