„რეალის” სუპერვარსკვლავს, კრიშტიანუ რონალდუს ერთი თვის წინ ნაყიდი „ლამბორჯინი” გაუფუჭდა. ფეხბურთელი თანაგუნდელ პეპეს დაბადების დღეზე მიდიოდა და მოულოდნელად, ავტომობილი, რომლის ფასი 200 ათასი ევროა და 100 კილომეტრ საათს 2,9 წამში ავითარებს, მადრიდში, შუა ქუჩაში გაჩერდა. ავტომობილი ევაკუატორმა წაიყვანა, ხოლო რონალდუ ტაქსით გავიდა მეგობრის წვეულებაზე. ძვირად ღირებული  „ლამბორჯინი” კრიშტიანუმ საკუთარ თავს 27-ე დაბადების დღეს აჩუქა. საერთოდ, რონალდუ ძვირად ღირებული ავტომობილების დიდი მოყვარულია. მის ფარეხში ოთხი „აუდი”, ორი „ბენტლი”, ორი „მერსედესი”, „ასტონ მარტინი”, „მაზერატი” და „პორშე” დგას. საინტერესოა, რომ ავტომობილის გაფუჭება რონალდუსთვის უცხო ხილი არაა, ჯერ კიდევ „მანჩესტერში” თამაშის დროს, რონალდუმ 200 ათას ევროდ ღირებული „ფერარი” ყიდვიდან 2 დღეში დაამტვრია.