„მილანის” ვეტერანმა ნახევარმცველმა, ჰოლანდიელმა კლარენს ზეედორფმა განაცხადა, რომ ისე მიეჩვია იტალიას, კარიერის დასრულების შემთხვევაშიც კი არ აპირებს სამშობლოში დაბრუნებას და საცხოვრებლად დარჩენას აპენინის ნახევარკუნძულზე გეგმავს. 35 წლის ზეედორფი მეუღლესთან, ბრაზილიელ მოდელ ლუვიანასთან ერთად, ოთხ შვილს ზრდის – სამ ქალიშვილსა და ერთ ვაჟს. იმის გარდა, რომ „მილანის” ფეხბურთელია, ფლობს სპორტულ სააგენტოს, იაპონურ რესტორანს მილანში და ასევე, სერია C-ში მოთამაშე „მონცას” ტექნიკური მრჩეველია. „რისთვის უნდა დავბრუნდე ჰოლანდიაში? მე ხომ მსოფლიოს მოქალაქე ვარ და ჰოლანდია ამ მსოფლიოს ნაწილია”, – განაცხადა ლეგენდარულმა ფეხბურთელმა.