ტურინის „იუვენტუსის” ლეგენდარულმა ფეხბურთელმა, ალესანდრო დელ პიერომ 12 წლის გოგონა კომიდან გამოიყვანა. კროტონელი ჯადა სკალიზე საყვარელი კლუბის მატჩს უყურებდა ტელევიზორში, და ამ დროს ტვინში სისხლი ჩაექცა. რამდენიმე კვირის განმავლობაში კომაში იმყოფებოდა. ჯადას სასოწარკვეთილმა მშობლებმა დახმარებისთვის დელ პიეროს მიმართეს. შვილის საყვარელმა ფეხბურთელმა მშობლებს აუდიოჩანაწერი გაუგზავნა, სადაც ჩაწერილი ჰქონდა: „ჯადა, გამარჯობა! ალესანდრო დელ პიერო ვარ. იმედია ჩემი გესმის. მოუთმენლად ველი იმ დღეს, როცა გამოიღვიძებ და „იუვენტუსის” მატჩების დროს გვიქომაგებ”. მშობლებმა ეს აუდიო ჩანაწერი გოგონას საწოლთან ჩართეს და რამდენიმე ხნის შემდეგ, გოგონა გონს მოვიდა და მშობლებს ნაყინიც კი სთხოვა. ფრანჩესკო სკალიზეს თქმით, მისი შვილი ამქვეყნად ალესანდრო დელ პიერომ მოაბრუნა, რომელმაც სასწაული მოახდინა.