ძველით ახალ წელს, უცნაური და ორიგინალური მოდის მოყვარულები კლუბ „ბლექ სკორპიონში” შეიკრიბნენ. შეკრების მიზეზი კი დიზაინერი ირაკლი აგირბა იყო, რომელმაც მაღაზია MX fashion-თან ერთად გამართა ჩვენება. ჩვენებაზე წარმოდგენილი იყო ქალებისთვის შექმნილი კოსტიუმები, არც მეტი, არც ნაკლები – ხელსახოცებისგან. ამასთან ერთად, საღამოს მაღაზია MX fashion-მა წარმოადგინა მამაკაცების ახალი კოლექცია. ღონისძიებას ბევრი ცნობილი სახე ესწრებოდა. კოლექციების ჩვენების შემდეგ საღამო გაგრძელდა. „ავთერ ფართს“ დიჯეი ქასრა აფორმებდა და, შესაბამისად, სტუმრებიც გვიანობამდე არ დაშლილან.