მსოფლიო ფეხბურთის ლეგენდა და ამჟამად არბული „ალ-ვასლის” მთავარი მწვრთნელი, დიეგო მარადონა აბუ-დაბიში მიმდინარე საგამოფენო ტურნირში მოთამაშე, მსოფლიოს ნომერ პირველ ჩოგანს, ნოვაკ ჯოკოვიჩს ესტუმრა. დიეგომ კორტზე მოვარჯიშე ნოვაკსა და სხვა დამსწრეებს ჩოგბურთის ბურთის ფეხით კენწვლის მასტერკლასი აჩვენა. შემდეგ კი რამდენიმე სეტიანი მატჩიც ეთამაშა ჩოგბურთის ვარსკვლავს. მოგვიანებით, თავის ტვიტერში ჯოკოვიჩმა დაწერა: „ღმერთის ხელმა, სპორტის ლეგენდა დიეგო მარადონამ თავისი ოსტატობა ჩოგნით ხელში გამოავლინა“. აღსანიშნავია, რომ დიეგო მარადონა ნოვაკ ჯოკოვიჩის ქომაგია და შეძლებისდაგვარად, მის მატჩებს ხშირად ესწრება.