23 იანვარი

1556 – ჩინეთში მოხდა კაცობრიობის ისტორიაში უდიდესი მიწისძვრა (9 ბალი), რომელმაც 820 ათასი ადამიანი იმსხვერპლა.

1960 – შვეიცარელმა მეცნიერმა ჟაკ პიკარმა და ამერიკელმა დონალდ უოლშმა ბატისკაფით, სახელად „ტირესტი“, მიაღწიეს რეკორდულ სიღრმეს – ჩაეშვნენ მარიანის ღრმულში, 10 915 მეტრზე.

24 იანვარი

41 – რომში შეთქმულებმა კასიუს ხერეას მეთაურობით მოკლეს იმპერატორი კალიგულა.

1848 – ჯეიმს მარშალმა კალიფორნიაში აღმოაჩინა ოქროს საბადო. ეს გახდა „ოქროს ციებ-ცხელების“ დასაწყისი.

1922 – ამერიკელმა კრისტიან ნელსონმა დააპატენტა ნაყინი „ესკიმო“.

25 იანვარი

1831 – პოლონეთის სეიმმა პოლონეთის ტახტიდან გადააყენა რუსეთის იმპერატორი ნიკოლოზ პირველი და პოლონეთის დამოუკიდებლობა გამოაცხადა.

1895 – შედგა პირველი საერთაშორისო მატჩი ბალახის ჰოკეიში. ირლანდიამ მოუგო უელსს, ანგარიშით – 3:0.

1924 – ფრანგულ ალპურ კურორტ შამონში გაიხსნა პირველი ზამთრის ოლიმპიური თამაშები.

1971 – უგანდის ხელისუფლებაში მოვიდა გენერალი იდი ამინი. მისი მმართველობის 8 წლის განმავლობაში დაიღუპა 300 ათასამდე ადამიანი.

26 იანვარი 

1788 – ავსტრალიაში პირველად დასახლდნენ ინგლისელი კოლონისტები.

1875 – ამერიკელმა ჯორჯ გრინმა დააპატენტა კბილის ბორმანქანა.

1886 – გერმანელმა კონსტრუქტორმა კარლ ბენცმა აიღო პატენტი სამბორბლიან ავტომობილზე შიდაწვის ძრავით.

1905 – სამხრეთ აფრიკაში აღმოაჩინეს მსოფლიოში ყველაზე დიდი ალმასი „კულინანი“ (3 106 კარატი).

1924 – საბჭოთა ხელისუფლებამ ქალაქ პეტროგრადს სახელი შეუცვალა და დაარქვა ლენინგრადი.

2000 – კრემლში ხელი მოაწერეს ხელშეკრულებას, რომლის მიხედვითაც რუსეთი და ბელორუსია ერთიან სახელმწიფოს ქმნიდნენ.

27 იანვარი

1593 – ჯორდანო ბრუნო ინკვიზიციის ციხეში მოხვდა. 

1895 – სანკტ-პეტერბურგში, მარინის თეატრში, შედგა პრემიერა პეტრე ჩაიკოვსკის ბალეტისა „გედების ტბა“.

1918 – ამერიკის შეერთებული შტატების ეკრანებზე გამოვიდა პირველი კინოფილმი „ტარზანის“ შესახებ. დღესდღეობით ამ სცენარით გადაღებულია 100-ზე მეტი ფილმი.

1926 – ლონდონში შოტლანდიელმა გამომგონებელმა ჯონ ბერდმა საზოგადოებას წარუდგინა პირველი ტელევიზორი.

1983 – დასრულდა მსოფლიოში ყველაზე გრძელი სარკინიგზო გვირაბის გათხრა (53,85 კილომეტრი). ის აერთებს იაპონიის კუნძულებს ჰონსიუსა და ჰოკაიდოს.

28 იანვარი

1986 – კატასტროფა განიცადა ამერიკულმა კოსმოსურმა ხომალდმა „ჩელენჯერმა“.

29 იანვარი

1861 – ამერიკის შეერთებული შტატების 34-ე შტატი გახდა კანზასი. 

1916 – საბრძოლო ოპერაციებში პირველად მიიღეს მონაწილეობა ტანკებმა. 

1927 – ლონდონში გაიხსნა Park Lane Hotel – პირველი სასტუმრო, სადაც ყველა ნომერს თავისი სააბაზანო ჰქონდა.