არგენტინელი სუპერვარსკვლავის, ლიონელ მესის და „ბარსელონას” შორის 2000 წელს ხელსახოცზე გაფორმებული პირველი კონტრაქტი, ესპანური კლუბის მუზეუმის ექსპონატი გახდა. აღნიშნული კონტრაქტი მუზეუმს საფეხბურთო აგენტმა ხოსეპ მარია მინგელიამ გადასცა, რომელიც 2000 წელს მესის ინტერესებს იცავდა. მესი, რომელსაც წელს 25 წელი შეუსრულდება, ბარსელონის საფეხბურთო აკადემიაში 2000 წელს მოხვდა არგენტინული „ნიუელზ ოლდ ბოისის” საფეხბურთო სკოლიდან. მისი დებიუტი კატალონიის უმთავრეს გუნდში 2003 წელს შედგა. ლიონელ მესი ზედიზედ სამჯერ არის დასახელებული მსოფლიოს საუკეთესო ფეხბურთელად – 2009, 2010 და 2011 წლებში.