ევას საიდუმლო
ყველაზე ცნობილი „სასოწარკვეთილი დიასახლისი“ ევა ლონგორია საინტერესო განცხადებებით არცთუ იშვიათად გვანებივრებს ხოლმე. მორიგი „გამონათება“ მას გასულ კვირას ჰქონდა. ერთ-ერთ ტელეშოუში ევამ ხმამაღლა განაცხადა, რომ ვიბრატორებს ყიდულობს და მათი აქტიური მომხმარებელია.
„პირველი ვიბრატორი სამი წლის წინ შევიძინე და საშინლად დამწყდა გული, რომ ეს რამდენიმე წლით ადრე არ გავაკეთე. თურმე, რა სულელი ვყოფილვარ. მას შემდეგ არაერთი ვიყიდე და ახლა სახლში ნამდვილი კოლექცია მაქვს. სხვათა შორის, მეგობრებსაც ვჩუქნი ხოლმე, მეორე დღეს კი ვხედავ, როგორი ბედნიერი სახეები აქვთ და მიხარია“, – განაცხადა ევამ.
საინტერესოა, რომ, მეოთხე წელია, ლონგორია კალათბურთელ ტონი პარკერს ხვდება. შარშანწინ წყვილმა ჯვარი დაიწერა და ახლა საინტერესო ის არის, თავის „კონკურენტებს“ რა თვალით უყურებს თავად პარკერი, რომლის სიმაღლეც, სხვათა შორის, ორ მეტრზე მეტია.