საჩუქრად კლოზე
აზერბაიჯანული საფეხბურთო კლუბის – „ხაზარ ლენქორანის“ მფლობელი მუბარის მანსიმოვი გახლავთ. ეს ბიზნესმენი სამშობლოში ერთ-ერთ უმდიდრეს ადამიანად არის მიჩნეული და გუნდს ფულსაც უშურველად ახარჯავს, თუმცა...
„ჩემი ოცნების გუნდი თურქული „ბეშიქთაშია“. ამ გუნდს დიდი ხანია, ვგულშემატკივრობ და მისი თამაშების სანახავად თურქეთშიც ხშირად ჩავდივარ. მინდა, ზამთრის სატრანსფერო სეზონში კლუბს საჩუქარი გავუკეთო და მიროსლავ კლოზე ვუყიდო“, – განაცხადა მანსიმოვმა და, შეიძლება ითქვას, ყველას პირი დააღებინა.
კლოზე ამჟამად მიუნხენის „ბაიერნის“ ღირსებას იცავს და გუნდის ძირითადი ფორვარდიც არის. მისი წლიური ხელფასი 4 მილიონი ევროა და პარალელურად იგი გერმანიის ნაკრებშიც თამაშობს. მოინდომებს თუ არა მიუნხენიდან თურქეთში გადასვლას კლოზე და რა ფასად, ძნელი სათქმელია.