პარაგვაის ეროვნული ნაკრების ყველაზე სექსუალური ქომაგი – მოდელი ლარისა რიკელმე შესაძლოა დიდი ხნით დაემშვიდობოს თავის „ბოიფრენდს“ – არგენტინული „სერო პორტინიოს” ნახევარმცველს, ჟონატან ფაროს. რიკელმეს ევროპაში პოპულარული რეალითი-შოუს „ფერმას” ბრაზილიურ ანალოგში მონაწილეობის მიღება შესთავაზეს და ამჟამად ლამაზმანი ფიქრობს – დათანხმდეს თუ არა შემოთავაზებას. დადებითი პასუხის შემთხვევაში, ფარო თავის რჩეულს რამდენიმე თვის განმავლობაში ვერ ნახავს. ამჟამად რიკელმე მონაწილეობს კიდევ ერთ შოუში, „ცეკვები ვარსკვლავებთან” და მისი თქმით, ის უკვე გადაიღალა. თუმცა, ფინალი ახლოვდება, სადაც საპრიზო თანხა – მილიონი დოლარი უნდა გათამაშდეს. რიკელმე შოუს ყველა ტურს სერიოზულად უდგება. ცნობილია, რომ შოუს მაყურებლების უმეტესობა მამაკაცები არიან.