პანამელმა მოკრივემ გილიერმო ჯონსმა, რომელიც WBA-ს ვერსიით, 90,7 კილოგრამამდე წონით კატეგორიაში მსოფლიოს ჩემპიონის ქამარს ფლობს, ძმები კლიჩკოები გამოიწვია. ჯონსის თქმით, იგი მზად არის ძმებიდან რომელიმეს შეხვდეს და დაამტკიცოს, რომ სწორედ ის არის პლანეტის საუკეთესო მძიმეწონოსანი მოკრივე. 39 წლის მოკრივე საკუთარ თავს ვეფხვს უწოდებს, რომელსაც მუდამ შია და სწყურია. პროფესიულ რინგზე ჯონსი 1993 წლიდან იბრძვის და 43 შეხვედრიდან 38 მოგებული აქვს, მათ შორის, 30 – ნოკაუტით. რაც შეეხება კლიჩკოებს, ამჟამად ისინი ყველაზე პრესტიჟული ქამრების მფლობელები არიან – ვლადიმირი WBA-ს ვერსიით, სუპერჩემპიონის და IBF-სა და WBO ვერსიებით, ჩემპიონის ტიტულს ფლობს. ვიტალი WBC-ს ვერსიით, მსოფლიოს ჩემპიონის ქამრის მფლობელია.